सिरहा। सिरहाको लहान नगरपालिका- २२, सलोखरीमा प्रहरीले म्याग्जिनसहितको पुरानो पेस्तोल बरामद गरेको छ। प्रहरी चौकी सितापुरबाट खटिएको गस्ती टोलीले सबरजीत दासलाई शंकास्पद अवस्थामा चेकजाँच गर्ने क्रममा उनको साथबाट ९ एमएम जस्तो देखिने म्याग्जिनसहितको पुरानो पेस्तोल फेला पारेको प्रहरीले जनाएको छ।
घटनामा संलग्न रहेको आरोपमा सबरजीतसहित गुरुदेव दास र संजय दाससमेत गरी तीन जनालाई प्रहरीले नियन्त्रणमा लिएको छ। नियन्त्रणमा लिइएका तीनै जनालाई थप अनुसन्धान तथा आवश्यक कानुनी प्रक्रियाका लागि इलाका प्रहरी कार्यालय लहान, सिरहा पठाइएको प्रहरीले जनाएको छ।
