विराटनगर । प्रदेश १ मा गठबन्धनका उम्मेद्वारले गोलाप्रथाबाट जितेका छन् । राष्ट्रियसभा सदस्य चुनावमा अन्यतर्फ गठबन्धनबाट उम्मेद्वार बनेका कांग्रेसका गोपाल बस्नेत र एमालेका गुरु बरालबीच मत बराबर भएपछि गोलाप्रथा गरिएको थियो।
गोला तान्दा बस्नेत विजयी भएका हुन् । उनीहरु दुवै जनाले ४४८८ मतभार पाएका थिए। बस्नेतले प्रदेश सांसद ५० र स्थानीय तहका प्रमुख र उपप्रमुख गरी ११६ मत प्राप्त गरेका थिए भने बराललाई प्रदेशसभाबाट ३८ र स्थानीय तहबाट १४८ जनाले मतदान गरेका थिए।
प्रदेश १ बाट महिलातर्फ गठबन्धकी उम्मेद्वार समाजवादीकी जयन्ती राई विजयी भएकी छिन् भने अल्पसंख्यक तर्फ एमालेका सोनम ग्याल्जेन शेर्पा विजयी भएका छन्। उनले हेमराज राईलाई पराजित गर्दै गठबन्धनको घेरा तोडेका छन्।
