गुल्मी। गुल्मीमा जीप दुर्घटना हुँदा दुई जना घाइते भएका छन्। गएराती १० जना यात्रु लिएर बुटवलबाट गुल्मीको अर्जेतर्फ गएको लु१ज ४४४८ नम्बरको जीप तम्घास-सिमलटारी सडक खण्ड अन्तरगत अर्खलेमा दुर्घटना हुँदा रुपन्देही बुटवल-१४ कि ३५ वर्षीया देवकला अर्याल र जिप चालक २६ वर्षीय कृष्ण सुनार घाइते भएका छन्।
रेसुङ्गा नगरपालिका-४ अर्खलेमा जीप दुर्घटना भएको हो।
उनीहरूलाई उद्दार गरी थप उपचारका लागि सदरमुकाम तम्घास ल्याइएको प्रहरीले जनाएको छ।
