काठमाडौँ, पुस २३ । राष्ट्रपति विद्यादेवी भण्डारी साझा बस चढेर ललितपुर पुगेकी छन् ।
राष्ट्रपति भण्डारी ललितपुरको पाटनढोकास्थित मदन पुस्तकालयको अवलोकनका लागि शनिबार साझाको विद्युतीय बस चढेर ललितपुर पुगेकी हुन् । उनलाई ललितपुर महानगरपालिकाका प्रमुख चिरिबाबु महर्जन र वरिष्ठ पत्रकार कनकमणि दिक्षितले स्वागत गरेका थिए ।
उनी शितल निवासबाटै साझा बसमा सवार भएर पाटनढोका पुगेकी हुन् । उनले केही समय पिम्बाहल क्षेत्रमा पनि बिताएकी थिइन् ।
