विराटनगर, माघ २९ । विराटनगर भन्सार कार्यालय (आईसीपी) मा सुरक्षागार्डको रुपमा कार्यरत एक जनाको भारतीय नम्बरको लरीको ठक्करबाट मृत्यु भएको छ । मृत्यु हुनेमा झापा मेचीनगरपालिका–१३, चारआलीका ४५ वर्षीय राजन गिरी रहेका छन् ।
प्रहरीकाअनुसार गएराती भन्सार कार्यालय नजिकै उनी सवार मे १० प ९१६१ नम्बरको स्कुटरलाई भारतीय नम्बर प्लेटको एनएल ०२ जी ८९५२ नम्बरको लरीले ठक्कर दिएको थियो । ठक्करबाट गिरीको घटनास्थलमै मृत्यु भएको प्रहरीले जनाएको छ ।
गिरीको शव पोस्टमार्टको लागि विराटनगरस्थित कोसी अस्पतालमा पठाइएको र चालकको खोजी भईरहेको प्रहरीले जानकारी दिए ।
