रौतहट । राैतहट प्रहरीले विभिन्न मुद्दामा फरार रहेका अभियुक्तलाई पक्राउ गरेका छन । लामो समयदेखि फरारको सूचीमा रहेका २८० जना अभियुक्तलाई प्रहरीले पक्राउ गरेका हुन ।
रौतहट प्रहरीले विभिन्न अपराधमा संलग्न रही सम्मानित जिल्ला अदालतबाट दोषी ठहर भई कैद भुक्तानीका लागि बाँकी रहेका फरार प्रतिबादीहरुलाई पक्राउ गरी कैद भुक्तानीका लागि जिल्ला अदालतमा बुझाएको हो ।
प्रहरीले चालू आर्थिक वर्षको साउनदेखि पुस मसान्तसम्ममा २८० जना अभियुक्तहरुलाई पक्राऊ गरिएको रौतहट प्रहरी प्रमुख एसपी महेन्द्र कुमार श्रेष्ठले जानकारी दिए ।
प्रहरीले कर्तव्य ज्यान, डाँका, चोरी, सवारी ज्यान, जबरजस्ती करणी, ठगी, लगायत विभिन्न मुद्दामा संलग्न रहेका ती अभियुक्तहरूलाई अदालतको आदेश अनुसार कैद भुक्तानीको लागि जिल्ला कारागार पठाइएको एसपी श्रेष्ठले जानकारी दिए।
