रौतहट । रौतहटको मौलापुर नगरपालिका–२ मर्यादापुर एकीकृत दलित बस्तीमा गए राति आगलागी भएको छ। आगलागीबाट ब्रम्हदेव महरा चमार, जगदेव महरा चमार, रामचन्द्र महरा चमारको फुसको घर गोठ जलेर नष्ट भएको छ।
घर गोठभित्र रहेका ग्यास सिलिन्डर, खद्यान्न सामाग्री, लत्ताकपडा पूर्ण रूपमा जलेर नष्ट हुनुका साथै ४ वटा बाख्रा मरेको इलाका प्रहरी कार्यालय मौलापुरका प्रमुख इन्स्पेक्टर कुशल बर्तौलाले जानकारी दिए ।
आगलागीबाट पाँच लाख बढीको क्षति भएको जिल्ला प्रहरी प्रवक्ता डिएसपी एलिजा गिरीले बताइन्। प्रहरी र स्थानीयवासीको सहयोगमा आगो नियन्त्रणमा आएको थियो ।
