एजेन्सी। पाकिस्तानका प्रधानमन्त्री इमरान खानले अफगानिस्तानमा अपरेशनका लागि आफ्नो देशले अमेरिकालाई सैन्य अड्डा बनाउन जमिन नदिने बताएका छन्।
अमेरिकी न्युज वेबसाइट एक्सिओजका जोनाथन स्वैनलाई दिएको अन्तर्वार्तामा उनले भनेका छन् , ‘अफगानिस्तानमा कुनै प्रकारको कारबाहीका लागि पाकिस्तान आफ्नो जमिनको उपयोग गर्न दिँदैन।’ आज प्रशारण हुने अन्तर्वार्ताको ३८ सेकेण्डको भिडियो वेबसाइटले ट्विट गरेको छ।
