मेचिनगर, जेष्ठ १५। झापा स्थित काँकडभिट्टाको मेचिनगरमा राष्ट्रिय “बी” चेस प्रतियोगिता सम्पन्न भए सँगै ९ जना पुरुष खेलाडी तथा ९ जना महिला खेलाडी राष्ट्रिय प्रतियोगितामा छनोट भएका छन्। नाइट चेस क्लबको स्थानीय व्यवस्थापनमा सम्पन्न राष्ट्रिय बी प्रतियोगितामा ६ जना खेलाडीहरुले प्रतिस्पर्धात्मक समान ६-६ अंक जोडेका छन्।
पूर्व निर्धारित फिडे टाइब्रेक डाइरेक्ट इन्काउण्टर, बुकोल्ज् कट वान र टुका आधारमा प्रोग्रेसिभ ३७.५ प्वाइन्ट प्राप्त गर्दै रिसोन थापा विजयी बन्न सफल भए। प्रोग्रेसिभ ३५.५ प्वाइन्ट लिएर कमल श्रेष्ठ द्वितीय, ३४.५ एआईएम अभिक शाह तृतीय, ३४ प्वाइन्टमा धिरेन राई चौथो र ३२ प्वाइन्टमा ज्वाला इम्बुङ्ग पाँचौ भएका छन्। यस्तै समान ५.५ अंक जोडेका ८ जना खेलाडीहरु मध्ये ३९.५ प्वाइन्टका आधारमा मुहान नरसिंह श्रेष्ठ छैटौं, सिएम पुरुषोत्तम चौलागाईं ३८ प्वाइन्ट सातौं, ३७.५ प्वाइन्ट लिएर सिएम शुश्रुत दहाल तथा आशिष फूयाँल छनोट भएका छन्।
यसैगरी महिलातर्फ पूजा भण्डारी र कृतिसरा अधिकारी दुई जनाको बराबर ५ अंक बन्न पुगे। नियमका आधारमा टाइब्रेकर २० प्वाइन्ट जोडेर पूजा भण्डारी विजयी बनीन् भने १७.५ प्वाइन्ट लिएर कृतिसरा द्वितीय भईन्। बिनिता कपालीले तेस्रो स्थानमा बाजि मार्न ४ अंक प्रोग्रेसिभ २१ प्वाइन्टको बल जुटाउनु पर्को थियो। समान ४ अंक प्रोग्रेसिभ १९ प्वाइन्टमा प्रिया क्षेत्री चौथो, १६.५ प्वाइन्टमा एन्जल महर्जन पाँचौँ स्थान प्राप्त गरीन्।
यस्तै समान ३.५ अंकका साथ सुशीला गुरुङ छैटौं, नुमा सुब्बा सातौं, निहाना श्रेष्ठ आठौं र प्रविशा दवाडी नवौं स्थानमा रहेर खेल टुङ्ग्याएका छन् । यससँगै आगामी जेष्ठ २९ गते देखि असार ४ गतेसम्म भक्तपुरमा सञ्चालन हुन गइरहेको २६ ओैं राष्ट्रिय पुरुष बुद्धिचाल स्पर्धामा नेपाल च्याम्पियन एफएम रुपेश जयसवाल, द्वितीय सिएम पुरुषोत्तम सिलवाल र तृतीय राजन सुवेदी सँगको भेट पक्का गरेका छन्। यता ११ ओैं राष्ट्रिय महिला बुद्धिचाल स्पर्धामा नेपाल ओमन च्याम्पियन सिन्दिरा जोशी, द्वितीय पुनम प्रसाईं र तृतीय इशा गिरिसँगको भेट सुनिश्चित गरेका छन्।
नेपाल च्याम्पियनको फर्म्याट अनुसार ९ जना राष्ट्रिय बी छनोट पार गरि वर्तमान नेपाल च्याम्पियन शीर्ष ३ जना खेलाडीसँग राउन्ड रोबिन खेलमा सहभागी भई नयाँ विजेता सहित शीर्ष १२ को वरियता निर्धारण हुनेछ । आगामी राष्ट्रिय प्रतियोगिताबाट पुरुष तथा महिला दुबै विधाका शीर्ष चार चार जना तथा वर्तमान नेपाल विजेता एफएम रुपेश जैसवाल र सिन्दिरा जोशी समेतले चेसको महाकुम्भ ओलम्पियाडमा सहभागी जनाउने छन्।
अध्यक्ष हेराकाजी महर्जनका अनुसार नेपाल बुद्धिचाल महासंघको आयोजनामा सम्पन्न खेलका पुरुष र महिला गरि १० जना खेलाडीलाई सेप्टेम्बर १५ देखि २७ सम्म उज्बेकिस्तानको समरकाण्डमा हुने चेसको अन्तर्राष्ट्रिय ४६ ओैं चेस ओलम्पियाडका लागि सहभागी गराइने जनाए ।
यस्तै समान ३.५ अंकका साथ सुशीला गुरुङ छैटौं, नुमा सुब्बा सातौं, निहाना श्रेष्ठ आठौं र प्रविशा दवाडी नवौं स्थानमा रहेर खेल टुङ्ग्याएका छन् । यससँगै आगामी जेष्ठ २९ गते देखि असार ४ गतेसम्म भक्तपुरमा सञ्चालन हुन गइरहेको २६ ओैं राष्ट्रिय पुरुष बुद्धिचाल स्पर्धामा नेपाल च्याम्पियन एफएम रुपेश जयसवाल, द्वितीय सिएम पुरुषोत्तम सिलवाल र तृतीय राजन सुवेदी सँगको भेट पक्का गरेका छन्। यता ११ ओैं राष्ट्रिय महिला बुद्धिचाल स्पर्धामा नेपाल ओमन च्याम्पियन सिन्दिरा जोशी, द्वितीय पुनम प्रसाईं र तृतीय इशा गिरिसँगको भेट सुनिश्चित गरेका छन्।नेपाल च्याम्पियनको फर्म्याट अनुसार ९ जना राष्ट्रिय बी छनोट पार गरि वर्तमान नेपाल च्याम्पियन शीर्ष ३ जना खेलाडीसँग राउन्ड रोबिन खेलमा सहभागी भई नयाँ विजेता सहित शीर्ष १२ को वरियता निर्धारण हुनेछ । आगामी राष्ट्रिय प्रतियोगिताबाट पुरुष तथा महिला दुबै विधाका शीर्ष चार चार जना तथा वर्तमान नेपाल विजेता एफएम रुपेश जैसवाल र सिन्दिरा जोशी समेतले चेसको महाकुम्भ ओलम्पियाडमा सहभागी जनाउने छन्।अध्यक्ष हेराकाजी महर्जनका अनुसार नेपाल बुद्धिचाल महासंघको आयोजनामा सम्पन्न खेलका पुरुष र महिला गरि १० जना खेलाडीलाई सेप्टेम्बर १५ देखि २७ सम्म उज्बेकिस्तानको समरकाण्डमा हुने चेसको अन्तर्राष्ट्रिय ४६ ओैं चेस ओलम्पियाडका लागि सहभागी गराइने जनाए ।
